Leonardo da Vinci k painting aur sculpting k zamanay say lay kar aaj k jadeed photography k zamanay tak bohot si cheezian badal gaieen. kitnay hi artists ay aur gay aur kitnay hi fashion badal gay. Har artist ka apna aik munfarid andaaz tha aur har dor ka koi apna hi style tha. Liakin aik cheez jo k har dor aur har zamanay main in fashion rahi, jo har painting ki zeenat aaj bhi hai aur aaj k modern portraits ko ubharti hai woh natural smile/ laugh.
Kehtay hain smile never goes out of fashion yani smile ka fashion kabhi khatam nai hota. Smile kisi bhi aam si tasweer ko chaar chand laga daiti hai. Aik achay portrait photographer ko apnay client yan apnay subject k natural impression lanay main maharat honi chahyay. Apnay clients say achi terha interact karna, un ko janna k un k kia shok hai, woh kia kaam kartay hain, apna time kaisay paas kartay hain, kia khana passand kartay hain kia pehanna passand kartay hain is terha ki information apko ap k client ko jannay main kafi maddad daiti hai aur ap k liyay woh photography ka session bohot easy ho jata hai.
Apk aur client k beech main aik trusted relation kaim hota hai aur aap apnay client ko compliment kar k ur ki tareef kar k, light say joke kar k mahol main easiness latay hai jsi say client bhi relax feel karta hai aur apk saath ziadah say ziadah cooperate karta hai. Ab chaltay hain examples ki taraf for better understanding.
Neechay dikhai gai portrait daikhain. Achi portrait hai, well posed, exposure acha hai and sharpness to wah ji wah but i feel k is portrait main kuch special nai. Its just another portrait.
Ab main apko aik aur portrait dikhata hoon. Woh bhi aisa hi simple pose hai, exposure acha hai aur sharpness bhi wah ji wah aur is photo ko jo sheez aik aam portrait sy alag karti hai woh ahi aik natural smile/ laugh. Ma shaa Allah sona munda.
Choti si pyari si cheez hi yeh smile, isko chupa k kiyun rakhna. chahy portrait ho yaan phir life smile to har cheez main rang bhar daiti hai. To hastay rahyay hasatay rehyay chahay phir woh apk clients ho, dost hon ya phir family. Aur yehi hai sab say bara secret aik achi portrait bananay ka.
Salman S.